ADAU-da qeydiyyat prosesinə start verilib

Gəncədə ADAU-ya qəbul olan abituriyentlərin qeydiyyatı başlayıb. Bu haqda 21 iyul tarixində universitetə istinadən məlumat veririk.

Azərbaycan Dövlət Aqrar Universitetinə magistratura səviyyəsinə qəbul olmuş gənclər 21-31 iyul tarixlərində “portal.edu.az” saytında qeydiyyatdan keçməlidirlər. Bunun üçün əsas səhifəyə daxil olaraq, “Qeydiyyat” düyməsini basıb, “Ali və orta ixtisas təhsili müəssisələrinə təhsil alan qeydiyyatı” xidmətini seçib, “Müraciət et” düyməsinə sıxıb məlumatları daxil etmək lazımdır. Qeydiyyatdan keçməyən bakalavrlar DİM tərəfindən qəbul olunmamış şəxs kimi hesab ediləcək və qəbul əmri verilməyəcək.

Qeydiyyat üçün tələb olunan sənədlər:

1. Təhsil haqqında sənəd - əvvəlki illərin məzunları üçün diplom və diploma əlavə, cari ilin məzunları üçün universiteti bitirdikləri barədə arayış;


2. Şəxsiyyət vəsiqəsinin surəti;


3. Hərbi bilet və ya çağırış məntəqəsinə təhkim edilmə haqqında vəsiqənin surəti (oğlanlar üçün);


4. Ödənişli əsaslarla qəbul olunanlar üçün – təhsil haqqının ödənilməsi haqqında qəbz (surəti);


5. İmtiyazın şamil olunması üçün müvafiq sənədlər (surəti):

• Məcburi köçkün statusu olan bakalavrlar:

- Statusa aid sənədlərinin surətləri.

• Valideyn himayəsindən məhrum olmuş (biri vəfat etmiş, digəri birinci və ya ikinci qrup əlil) və ya valideynlərini itirmiş bakalavrlar:

- Tibbi-sosial ekspert komissiyasının arayışı;

- Valideynlərin (valideyn) ölüm haqqında şəhadətnaməsi.

• I və II dərəcə əlilliyi olan şəxslər:

- Şəxsiyyət vəsiqəsinin surəti.

• Qarabağ əlili (Şəhid ailəsinin) övladı olan bakalavrlar:

- Statusa aid sənədlərin surətləri.

Qeyd edək ki, gənclər əlavə məlumat almaq üçün Tədris şöbəsinə yaxınlaşa, tedris@adau.edu.az elektron ünvanına yaza və yaxud (022) 266 83 57 nömrəsi ilə əlaqə saxlaya bilərlər.