Azərbaycan Dövlət Aqrar Universitetinin (ADAU) təşkilatçılığı ilə Yeni Azərbaycan Partiyasının Gəncə Şəhər Təşkilatının binasında “Bitkiçilik və heyvandarlıqda təbii resurslardan dayanıqlı istifadə” mövzusunda Respublika elmi-praktik konfransı keçirilib.
Gencexeber.az-a bu barədə universitetdən məlumat verilib.
Bildirilib ki, tədbirdə Gəncə Şəhər İcra Hakimiyyəti başçısının müavini Adil Tağıyev, BMT-nin Ərzaq və Kənd Təsərrüfatı Təşkilatının (FAO) nümayəndəsi Nasar Hayat, YAP Gəncə şəhər təşkilatının sədri Bayram Aslanov, Aqrar Tədqiqatlar Mərkəzinin direktoru Rəşad Hüseynov, Kənd Təsərrüfatı Nazirliyinin Meyvəçilik və tərəvəzçilik şöbəsinin müdiri Surxay Novruzlu, Aqrar Xidmətlər Agentliyinin (AXA) sədr müavini Anar Əzimov və KTN-nin Bitkiçiliyin təşkili və monitorinqi şöbəsinin müdir müavini Fərman Kərimov çıxış ediblər.
Rəsmilər çıxışlarında kənd təsərrüfatında təbii resursların qorunmasının və effektiv istifadəsinin vacibliyini diqqətə çatdırıblar.
Tədbirin sonunda Azərbaycan Dövlət Aqrar Universiteti və BMT-nin Ərzaq və Kənd Təsərrüfatı Təşkilatı arasında əməkdaşlıq müqaviləsi imzalanıb.
