Gəncədə tələbələr üçün tədbir keçirilib. Bu haqda 2 may tarixində ADAU-ya istinadən məlumat veririk.
"Deməyə sözünüz olsun" adlı təlim "İmpuls Academy" tərəfindən təşkil olunub. Burada Azərbaycan Dövlət Aqrar Universitetinin tələbələri iştirak ediblər.
Seminarda gənclərə fikri dəqiq və aydın çatdıra bilmək, kütlə qarşısında çıxış etmə fobiyasını dəf etmək, təsirli nitqin mexanizmləri, auditoriyanın ehtiyaclarını görə bilmək, hədəflər üçün davamlı, əzmli çalışmaq və digər məqamlardan danışılıb.
Sonda iştirakçıların sualları cavablandırılıb.
