Gəncədə genişmiqyaslı təmir-tikinti işləri aparılır. Bu haqda 3 oktyabr tarixində AAYDA-ya istinadən məlumat veririk.
İşlər Prezidentin Sərəncamına əsasən, Azərbaycan Avtomobil Yolları Dövlət Agentliyi tərəfindən görülür. Sənəddə ümumi sahəsi 346 min kvadratmetr olan 52 adda küçənin təmiri nəzərdə tutulur.
Təmir-tikinti işləri zamanı küçə və yollarda köhnə örtük sökülür. Ardınca iri və xırda dənəli olmaqla yeni asfalt-beton örtüyünün döşənməsi işləri icra olunur. Layihə çərçivəsində zəruri olan yerlərdə vətəndaşların yol kənarı ilə rahat və təhlükəsiz hərəkətini təmin etmək məqsədilə mövcud piyada səkiləri bərpa, yeniləri isə inşa edilir, kənarlarına səki daşları düzülür.
Asfaltlanma işləri bitən küçələrdə hərəkətin normal təşkili üçün yolcizgi və yolgöstərici xətlərinin, piyada zolaqlarının çəkilişi icra olunacaq. Küçə və yollara zəruri yol nişanları, məlumatverici lövhələr quraşdırılacaq.
[modula id="47223"]
