Gəncədə atasının sənətini yaşadan usta yaşayır. Bu haqda Gencexeber.az-a 8 iyun tarixində məlumat daxil olub.
Söhbət 56 yaşlı Məhəmməd ustadan gedir. Məhəmməd Firudin oğlu Əsədov 1967-ci ildə Gəncədə anadan olub. O, 30 ilə yaxındır ki, eynəklərin təmiri və sifarişlə hazırlanması ilə məşğuldur. Ustanın sözlərinə görə, bu sənəti atasından öyrənib. Firudin kişi vaxtilə oğluna məşğul olduğu peşənin sirlərini öyrədib.
Hazırda usta həm optik, həm də gün eynəklərini hazırlayır və təmir edir. O bildirir ki, sənətini çox sevir. Məhəmməd usta Şeyx Bahəddin küçəsində yerləşən emalatxanasında çalışır.
Onunla (055) 458 36 21 nömrəsi ilə əlaqə saxlamaq olar.
[modula id="38677"]
