Gəncədə Gənclər Evində tədbir keçirilib. Bu haqda 18 yanvar tarixində Regional Gənclər və İdman İdarəsinə istinadən xəbər veririk.
20 Yanvar – Ümumxalq Hüzn Günü ilə əlaqədar gənclərin iştirakı ilə “Müstəqilliyə gedən yol…” adlı tədbir təşkil olunub. 90 nəfərin iştirakı ilə keçirilən tədbirdə 20 Yanvar faciəsinin xalqımızın tarixinin kədərli, həm də qəhrəmanlıq və rəşadət səhifəsi olduğu bildirilib. Daha sonra toplantı bədii qiraətlə davam etdirilib. Sonda faciəni əks etdirən sənədli film izlənilib.
Tədbirdə Regional Gənclər və İdman İdarəsinin rəisi İntiqam Hüseynov, Gənclər Evi sosial xidmət müəssisələrinin müdiri Amil Qurbanov, Ombudsmanın Qərb Regional Mərkəzinin rəhbəri Səbuhi Abbasov, Gənclərin İnkişaf və Karyera Mərkəzinin regional nümayəndəliyinin rəhbəri Seymur Vəliyev , 6 saylı kitabxana filialının müdiri Məryəm Məmmədova, “Fərəh” Sosial İctimai Birliyinin sədri İlqar Hümbətov və gənclər iştirak ediblər.
