Gəncə şəhər Heydər Əliyev Mərkəzi və 16 nömrəli Kitabxana filialı 2-4 aprel döyüşlərinin ildönümü ilə əlaqədar tədbir təşkil edib. Bu haqda 3 aprel tarixində Heydər Əliyev Mərkəzinə istinadən xəbər veririk.
“2 Aprel - böyük zəfərin başlanğıcı" mövzusunda tədbir keçirilib. Burada 29 nömrəli tam orta məktəbin müəllim və şagirdləri iştirak ediblər. Tədbirdə qeyd edilib ki, Aprel döyüşləri Azərbaycan dövlətinin, dövlətçiliyinin dönməzliyinin, Azərbaycan əsgərinin gücünün, qüdrətinin ifadəsi kimi tarixləşib.
Bu döyüşlər sübut etdi ki, Azərbaycan Ordusu düşmənin istənilən miqyaslı təxribatının, istənilən hərbi əməliyyatının qarşısını almağa qadirdir. Bu qələbə ordumuzun həm döyüş, həm də yüksək mənəvi-psixoloji hazırlığa malik olduğunu da təsdiqlədi.
