Gəncədə sahibkarlıqla bağlı təlim keçirilib. Bu haqda 13 iyun tarixində KOBİM-ə istinadən məlumat veririk.
"Sahibkarlıq və biznes bacarıqlarının inkişafı" mövzusunda maarifləndirici təlim Gəncə KOB İnkişaf Mərkəzi (KOBİM) tərəfindən təşkil olunub. Burada 12 nəfər iştirak edib. KOBİM-in eksperti tərəfindən sahibkarlıq və biznes sahəsi üzrə ilkin məlumatlar, biznes ideyasının reallaşdırılması üçün müvafiq proseslər və modullar, maliyyə planı, xərclər haqqında məlumat verilib.
Təlimdə uğurlu biznes üçün əsas olan "SMART" məqsədlərin təyin olunması, biznes ideyalarının yaradılması, fərdi, ailəvi və qrup biznesinin idarə edilməsi, marketinq planının hazırlanması barədə danışılıb. Sonda iştirakçıların mövzu ilə bağlı sualları cavablandırılıb.
