Gəncədə ağacəkmə aksiyası keçirilib. Bu haqda 2 mart tarixində İcra Hakimiyyətinə istinadən məlumat veririk.
Aksiya İcra Hakimiyyətinin və Azərbaycan Dövlət İdarələri və İctimai Xidmət işçiləri Həmkarlar İttifaqının Gəncə şəhər komitəsinin birgə təşkilatçılığı ilə ulu öndər Heydər Əliyevin 100 illik yubileyi və “Heydər Əliyev İli” çərçivəsində təşkil olunub.
“100 ədəd ağac əkək” devizi altında keçirilən aksiyada İcra Hakimiyyətinin və ADİİXİHİ Gəncə şəhər komitəsinin, YAP Gəncə şəhər təşkilatının üzvləri və Vətən müharibəsi iştirakçıları iştirak ediblər. Onlar Heydər Əliyev Park-Kompleksinin əvvəlcədən müəyyən olunmuş hissəsində 100 ədəd Eldar şamı və Kiparis ağacı əkiblər.
