Gəncədə tibb müəssisəsində yeni təmirdən çıxmış şöbə fəaliyyətini bərpa edib. Bu haqda 4 iyul tarixində Birləşmiş Xəstəxanaya istinadən məlumat veririk.
Söhbət Z.Məmmədov adına xəstəxananın təcili yardım şöbəsindən gedir. Burada 10 çarpayı yerləşir və vətəndaşlara təcili və təxirəsalınmaz yardım göstərilir. Şöbə müasir tibbi avadanlıqlarla təchiz edilib, yaşıl, sarı, qırmızı zona yaradılıb.
Həmçinin burada ilkin travmatoloji xidmət göstərilməsi üçün də hər cür şərait mövcuddur. Qabaqcıl ölkələrdə təcili və təxirəsalınmaz tibbi yardımın təşkilində geniş istifadə olunan “çeşidləmə” (“triaj”) sisteminin tətbiqinə başlanılıb.
Qeyd edək ki, şöbədə ümumilikdə 16 tibb personalı fəaliyyət göstərir, şöbə müdiri Rüstəmova Turanə Qəmbər qızıdır.
