Gəncədəki xəstəxananın bir şöbəsi təmir olunaraq istifadəyə verilib. Bu haqda şəhər Birləşmiş Xəstəxanasına istinadən xəbər veririk.
Söhbət Akademik Zülfüqar Məmmədov adına xəstəxananın reanimasiya şöbəsindən gedir. Yenidən qurulub istifadəyə verilən şöbə müasir tibbi avadanlıqlarla təmin olunub. Burada 3 ədəd suni tənəffüs cihazı, 10 ədəd monitor, 2 ədəd defibrilator, 10 ədəd infuziya pompası, 10 ədəd perfuzomat və 10 ədəd çoxfunksiyalı reanimasiya çarpayısı və havalandırma sistemi mövcuddur.
Şöbədə 33 tibb personalı fəaliyyət göstərir. Onlardan 3-ü həkim, 14-ü tibb bacısı və 16-sı kiçik tibb personalıdır.
Qeyd edək ki, şöbə müdiri Suliddin Oruç oğlu Musayevdir.
