Şəmkirdə yol-nəqliyyat hadisəsi baş verib.
Gencexeber.az-ın məlumatına görə, hadisə rayonun Yasamal adlanan ərazisində qeydə alınıb.
Hərəkətdə olan yük avtomobili idarəetmədən çıxaraq əvvəlcə yol kənarındakı beton maneəyə çırpılıb, daha sonra dərəyə aşıb.
Qəza nəticəsində sürücü, rayon sakini, 1995-ci il təvəllüdlü Duman Həsənov xəsarət alaraq xəstəxanaya yerləşdirilib. Ona dərhal tibbi yardım göstərilib, hazırda vəziyyətinin normal olduğu bildirilir.
Hadisə yerinə polis əməkdaşları cəlb olunub. Faktla bağlı araşdırma aparılır.
