Tovuz rayonunda 22 yaşlı oğlan sevgi münasibətində olduğu qıza intim hərəkətlər etməkdə ittiham olunub.
2004-cü il təvəllüdlü Tacir yetkinlik yaşına çatmayan həmyerlisi Laləyə (adlar şərtidir – red.) qarşı seksual hərəkətlər edib, 2025-ci ilin müxtəlif vaxtlarında iki dəfə onunla cinsi əlaqədə olub.
Tacirin barəsində Cinayət Məcəlləsinin 152.1-ci (on dörd yaşına çatmış, lakin on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham elan edilib.
İş üzrə izahat verən Tacir ona elan olunmuş ittiham üzrə özünü təqsirli bilib. O, ifadəsində göstərib ki, Laləni təxminən 2024-cü ilin sonlarından tanıyır:
"Şadlıq sarayında ofisiant işlədiyim vaxt Lalə də həmin şadlıq sarayı ilə eyni həyətdə yerləşən gözəllik salonunda işləyib. Öz mobil nömrəmi ona göndərdim. Bundan sonra onunla mütəmadi olaraq evlənmək məqsədi ilə əlaqə saxlamağa başladım".
Tacir qeyd edib ki, 2025-ci ildə, günlərin birində, təxminən saat 15 radələrində Lalənin Tovuz rayonunun kəndində yerləşən yaşadığı evə onun dəvəti ilə gedib.
"Həmin vaxt Lalə evdə tək olub. Lalənin yaşadığı evdə onunla həm təbii, həm də qeyri-təbii yolla əlaqədə olduq. Bundan bir neçə gün sonra, təxminən saat 14 radələrində Lalə ilə onun yaşadığı evdə yenə əlaqədə olduq".
İş üzrə zərərçəkmiş Lalə ifadəsində könüllü razılığı əsasında Tacirlə əlaqədə olduğunu etiraf edib və bildirib ki, sonrakı vaxtda da evlənmək məqsədilə Tacirə qoşularaq qaçıb.
Tovuz Rayon Məhkəməsinin hökmü ilə Tacir 1 il müddətinə azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi müəyyən edilib.
Mənbə: demokrat.аz
