Gəncədə yeni patronaj modelinin tətbiqi ilə bağlı təlim keçirilib. Bu haqda 12 iyun tarixində Gəncə ŞBX-yə istinadən məlumat veririk.
Gəncə Şəhər Birləşmiş Xəstəxanasında baş tutan tədbirdə ailə sağlamlıq mərkəzlərində (ASM) fəaliyyət göstərən tibb bacıları və mamalar iştirak ediblər.
Seminarda çıxış edən Gəncə ŞBX-nin İlkin Səhiyyə Xidməti üzrə direktor müavini Xalidə Sadıqova yeni patronaj modelində tibb bacısının yeni rolunun əhəmiyyəti barədə danışıb. Ekoxəritənin çəkilmə qaydaları və praktik istifadəsi nümunələr üzərində müzakirə olunub.
Toplantı inkişafın dəstəklənməsi və izlənməsi üzrə beynəlxalq rəhbərliyin qeydiyyatının aparılma qaydalarının müzakirə olunması ilə yekunlaşıb.
