Gəncədə yeni komissiya yaradılıb. Bu haqda 25 iyul tarixində AzTV-yə istinadən məlumat veririk.
Bir müddət öncə leysan yağışlar nəticəsində Heydər Əliyev parkındakı süni gölün daşması barədə xəbər paylaşmışdıq. Bir aya yaxındır təhlükəli vəziyyətdə olan göllə bağlı komissiya yaradılıb. Təşəbbüs Su və Meliorasiya ASC, Fövqəladə Hallar Nazirliyi və İcra Hakimiyyəti tərəfindən həyata keçirilib. Qurumların nümayəndələri gölün sel fəsadları nəticəsində dağılmış hissələrinə baxış keçirərək bərpası istiqamətində görüləcək işlərlə bağlı fikir mübadiləsi aparır.
Qeyd edək ki, ötən ay baş vermiş sel nəticəsində gölün daşması Yeni Gəncə yaşayış massivində və digər məntəqələrdə 50-yə yaxın evin su altında qalmasına səbəb olmuşdu.
