Gəncə-Daşkəsən Regional Təhsil İdarəsi müvəqqəti köçürülüb. Bu haqda Gencexeber.az-a 3 mart tarixində məlumat daxil olub.
Buna səbəb idarənin binasında gedən əsaslı təmir işləridir. Tikili dəmirlə hasara alınıb və üzərinə məlumat lövhələri vurulub. Burada Gəncə-Daşkəsən Regional Təhsil idarəsinin müvəqqəti olaraq 28 nömrəli orta məktəbə, Gəncə şəhəri üzrə təhsil sektorunun isə 1 nömrəli orta məktəbə köçürüldüyü yazılıb.
Sakinlər ümumtəhsil müəssisələrinə şagirdlərin qəbulu və yerdəyişməsi üçün 1 nömrəli, məktəbəqədər təhsil müəssisələri (bağçalar) və vətəndaş qəbulu üçün isə 28 nömrəli məktəblərə yaxınlaşmalıdırlar.
Vətəndaş qəbulu ilə bağlı (099) 866 54 44, şikayət və təkliflərlə bağlı isə (050) 347 87 02 (yalnız WhatsApp) nömrələri ilə əlaqə saxlamaq lazımdır.
