Gəncədə tikinti müəssisələrinin fəaliyyəti ilə bağlı məlumat paylaşılıb. Bu haqda 14 avqust tarixində Fed.az-a istinadən xəbər veririk.
Gəncə şəhər Statistika İdarəsi tikinti müəssisələrinin işi haqqında göstəriciləri elan edib. Məlumata əsasən, 2023-cü ilin yanvar-iyun aylarında fəaliyyət göstərən tikinti müəssisələri və fərdi sahibkarlar tərəfindən yerinə yetirilmiş tikinti işlərinin dəyəri 20,3 milyon manat təşkil edib.
Onların 12,2 milyon manatını (60,3 faizini) hüquqi şəxslər tərəfindən yerinə yetirilmiş işlər, 8,1 milyonunu isə (39,7 faizini) fərdi sahibkarlıq fəaliyyəti ilə məşğul olan fiziki şəxslərin yerinə yetirdiyi işlər təşkil edib.
