Gəncədə Uşaqların Beynəlxalq Müdafiəsi Gününə həsr olunmuş tədbirlər baş tutacaq. Bu haqda 30 may tarixində Regional Təhsil idarəsinə istinadən məlumat veririk.
Tədbirlər 1 iyun saat 16:00-da Gəncə-Daşkəsən Regional Təhsil İdarəsinin təşkilatçılığı və İcra Hakimiyyətinin dəstəyi ilə “100” Festivalı çərçivəsində keçiriləcək. Burada IV siniflərin komanda şəklində əyləncəli, intellektual “100” yarışı, 4-7 yaş qrupunda olan uşaqların iştirakı ilə moda göstərişi, II-V sinif şagirdlərinin iştirakı ilə “Xan bağı xəzinə ovu” yarışı (ingilis dilində) təşkil olunacaq.
Bütün iştirakçılara sertifikat təqdim ediləcək, qaliblər isə mükafatlandırılacaqlar. Tədbirdə feysart, Dj-in iştirakı ilə musiqili proqram, kloun və nağıl qəhrəmanlarının uşaqlarla əyləncəsi həyata keçiriləcək. Daha sonra konsert proqramı təqdim ediləcək. Burada məktəbəqədər təhsil müəssisələri, ümumtəhsil məktəbləri və məktəbdənkənar təhsil müəssisələri tərəfindən çıxışlar həyata keçiriləcək, müsabiqə və yarışların qalibləri mükafatlandırılacaq və saat 20:00-dək uşaqlar üçün əyləncə təşkil olunacaq.
“Moda göstərişi” müsabiqəsi:
4-7 yaş arası uşaqların iştirakı ilə moda göstərişində iştirak edəcək uşaqların qeydiyyatı valideynləri və ya digər şəxslər tərəfindən həyata keçirilməlidir. Burada 30 uşaq iştirak hüququnu qazanır. Hər moda göstərişi üçün 2 dəqiqə vaxt ayrılır, “Ən dəbli" 1 qız və 1 oğlan yekunda qalib elan olunaraq mükafatlandırılacaqlar. Uşaqlar üçün geyim, saç düzümü, aksesuar seçimi onların yaşlarına uyğun olmalıdır. Əks-hallar müşahidə olunarsa, uşaq iştirakçı hüququnu itirir. Qeydiyyat linki:
https://forms.office.com/r/ifMzD1EMZP
“100" yarışı:
Yarışda IV sinif şagirdləri komanda şəkilində iştirak edəcəklər. Qeydiyyatdan keçən ilk 10 komanda (hər komandada 5 şagird və 1 müəllim) yarışda iştirak etmək hüququ qazanır. Qeydiyyat sinif rəhbəri tərəfindən həyata keçirilməlidir. Hər məktəbdən maksimum 2 komanda yarışda iştirak edə bilər. Şagirdlər müxtəlif əyləncəli oyunları komanda şəklində icra edib, sualları cavablandıracaqlar. Yarışda bütün prosesləri ən tez yekunlaşdıran komanda qalib elan olunur. Yekunda qalib komandaya hədiyyə təqdim ediləcək. Qeydiyyat linki:
https://forms.office.com/r/RjU3WPAdLq
“Xan Bağı Xəzinə Ovu” yarışı:
İştirak üçün şagirdlər müstəqil olaraq, komanda formalaşdırmalı və qeydiyyatdan keçməlidirlər. Qeydiyyatdan keçmiş ilk 5 komanda iştirakçı hüququnu qazanacaq. Komanda 5 nəfərdən ibarət olur. Komanda üzvləri II-V sinif şagirdləri olmalı, ingilis dilində verilən tapşırıqları icra etməyi bacarmalıdır. Qeydiyyat linki:
