Ukrayna Prezidenti Volodimir Zelenski Azərbaycan Prezidenti İlham Əliyevlə telefon danışığı zamanı AZAL-ın J2-8243 reysi ilə baş vermiş faciəli təyyarə qəzası ilə bağlı başsağlığı verib
Gencexeber.az xəbər verir ki, Zelenski Azərbaycan xalqına və qəzada həlak olanların ailələrinə dərin hüznlə başsağlığı ifadə edib, qəhrəman pilotların və ekipajın peşəkarlığını vurğulayıb.
Prezidentlər hadisənin səbəblərinin tam və obyektiv şəkildə araşdırılmasının əsas prioritet olduğunu qeyd ediblər. Zelenski Rusiya tərəfindən hadisə ilə bağlı dəqiq izahatların verilməli olduğunu və dezinformasiyaya son qoyulmasının vacibliyini bildirib. O, təyyarənin gövdəsində aşkar edilən zədələr, xüsusilə də dəliklər və deformasiyaların hava hücumundan müdafiə raketi ilə vurulma ehtimalını gücləndirdiyini vurğulayıb.
Ukrayna Prezidenti Azərbaycanın bu vəziyyətdə tam dəstəklənəcəyini və digər ölkələri də kömək göstərməyə çağırdıqlarını bildirib. Həmçinin yaxın zamanda iki ölkə arasında ikitərəfli əlaqələrin intensivləşdirilməsi barədə razılıq əldə edildiyini qeyd edib.
