Gəncəli idmançı ölkəmizə qayıdıb. Bu haqda 1 may tarixində Report-a istinadən məlumat veririk.
Yunanıstanda keçirilən Avropa çempionatında qalib olan Azərbaycan şahmatçısı Ülviyyə Fətəliyeva Vətənə dönüb. Onu Heydər Əliyev Beynəlxalq Hava Limanında yaxınları, idman ictimaiyyətinin nümayəndələri, jurnalistlər qarşılayıblar.
Burada şahmatçımız qələbəsini yeni nəsil şahmatçılara həsr etdiyini bildirib.
“Tarixi uğura imza atdığımıza görə çox sevinirəm. Bu, çox qürurvericidir. Qələbəmi yeni nəsil şahmatçılara həsr edirəm. Bunun onlar üçün ruhlandırıcı hadisə olmasını istərdim. Onlar öz arzularına, xəyallarına inanmalı, arxasınca getməlidirlər”, - deyə Fətəliyeva qeyd edib.
