Gəncədə İİV-nin erkən aşkarlanması məqsədilə müayinələr baş tutub. Bu haqda 21 iyun tarixində Respublika QİÇS-lə Mübarizə Mərkəzinə istinadən məlumat veririk.
Gəncə Regional Laboratoriyasının əməkdaşları Abbas Səhhət adına 1 nömrəli Klinik Xəstəxanada İİV/QİÇS-nin aşkarlanması məqsədilə müayinələr götürüb, maarifləndirmə tədbirləri keçiriblər.
Təcrübəli həkimlər vətəndaşlara xəstəliyin tarixi, yoluxma yolları, müayinə və müalicəsi barədə ətraflı məlumat veriblər. Həmçinin İİV/QİÇS-yə aid broşurlar, bukletlər paylanılıb.