Gəncədə Heydər Əliyevin yubileyinə həsr olunmuş forum keçirilib. Bu haqda 10 mart tarixində Azərbaycan Texnologiya Universitetinə istinadən məlumat veririk.
Üzümçülük və Şərabçılığın İnkişaf Forumu Dövlət Turizm Agentliyi, “AzGranata” MMC, “Şirvan şərabları” MMC-nin tərəfdaşlığı ilə Azərbaycan Texnologiya Universitetində təşkil olunub. Burada İcra Hakimiyyətinin, ali təhsil müəssisələrinin, elmi-tədqiqat institutlarının, Turizm Bürosunun, Şərabçılar Assosiasiyasının, həmçinin bu sahədə fəaliyyət göstərən sənaye müəssisələrinin nümayəndələri, Türkiyə və İspaniyanın elm adamları və tanınmış mütəxəssislər iştirak ediblər.
UTECA-nın rektor əvəzi, dos. Yaşar Ömərov tədbiri açıb. Forum Üzümçülük və Şərabçılıq olmaqla iki panel üzrə təşkil edilib. Hər paneldə altı spikerin çıxışı olub. Adıçəkilən sahələrdə xammal, tingçilik, biotexnologiya, genofond, kadr hazırlığı, istehsal, şərabçılıq tarixi, turizm marşrutları, orqanoleptik qiymətləndirmə, dünya praktikası, ixrac, marketinq kimi bir çox məsələlər ətrafında müzakirələr aparılıb.
Tədbirin sonunda tərəfdaşlar və spikerlər təltif olunublar.
