Gəncədə ağacəkmə aksiyası baş tutub. Bu haqda 7 mart tarixində UTECA-ya istinadən məlumat veririk.
Aksiya Azərbaycan Texnologiya Universitetində (UTECA) təşkil olunub. Tədbir Heydər Əliyevin 100 illiyi münasibətilə keçirilib. Marafonda universitet rəhbərliyi, professor-müəllim heyəti və tələbələr iştirak ediblər. Yaşıllaşdırma aksiyası çərçivəsində Azərbaycan Texnologiya Universitetinin həyətyanı ərazisinə 50-yə yaxın həmişəyaşıl ağac basdırılıb. Bundan başqa, universitet ərazisində yerləşən Bayraq meydanının ətrafına və yaşıllıq zonalarına müxtəlif güllər əkilib.
Həmçinin UTECA-nın həyətyanı ərazisindəki yaşıllığa aqrotexniki qulluq göstərilib.
