Gəncədə Totanlı küçəsində məişət tullantılarının atılması üçün zibil qablarının olmaması sakinlərdə narazılıq yaradıb.
Gencexeber.az-a daxil olan şikayətə görə, Mərkəzi Klinika yaxınlığından başlayaraq "Üç təpə" istiqamətinə qədər olan ərazidə bir ədəd belə zibil qabı yoxdur.
Sakinlər iddia edirlər ki, nəticədə bəzi vətəndaşlar məişət tullantılarını hara gəldi atırlar. Bu isə küçədə antisanitar vəziyyətin yaranmasına səbəb olur.
Vətəndaşlar aidiyyəti qurumlardan əraziyə zibil qablarının yerləşdirilməsini xahiş edirlər.
