Azərbaycandan Qroznıya gedən 8432 saylı reys çox güman ki, raketlə vurulub. Ekspertlər pilotun dispetçerlərlə danışıqlarının Rusiyada dərc edilmiş stenoqramını öyrəndikdən və videonu izlədikdən sonra belə qənaətə gəliblər.
Gencexeber.az məlumat verir ki, bu barədə Böyük Britaniyanın “The Times” nəşrində dərc edilmiş məqalədə qeyd olunur.
“Azərbaycan Hava Yolları” aviaşirkətinin “Embraer” tipli təyyarəsinin pilotları bütün uçuş idarəetmə sistemlərini itirdikdən sonra yalnız dartı mühərriklərindən istifadə edərək zədələnmiş təyyarəni qəza enişi etdirməyə çalışarkən böyük çətinliklərlə mübarizə aparmalı olublar”, – məqalədə deyilir.
