Gəncədə səhiyyə işçiləri üçün təlim təşkil olunub. Bu haqda 23 avqust tarixində Şəhər Birləşmiş Xəstəxanasına istinadən xəbər veririk.
Şəhər Birləşmiş Xəstəxanasının ailə sağlamlıq mərkəzlərində çalışan və patronaj xidməti göstərən tibb bacıları və SOS Uşaq Kəndləri - Azərbaycan Assosiasiyası İctimai Birliyi əməkdaşlarının iştirakı ilə təlim keçirilib.
Tədbirin açılışını İlkin Səhiyyə Xidmətinin rəhbəri Xalidə Sadıqova edib. Daha sonra Cavadxan ASM-in şöbə müdiri Nurlana Zeynalova iştirakçılara patronaj xidmətinin ümumi fəaliyyəti və hesabatlıq qaydaları haqqında məlumat verib.
