Daşkəsən Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində "Təmiz Hava" aylığı çərçivəsində monitorinq keçirilib.
Gencexeber.az bildirir ki, keçirilən tədbirin əsas məqsədi atmosferə normadan artıq zərərli qaz tullantıları buraxan nəqliyyat vasitələrinin aşkarlanması, ətraf mühitin mühafizəsi və ekoloji təhlükəsizliyin təmin olunması olub. Monitorinq zamanı xüsusi cihazlar vasitəsilə avtomobillərin mühərriklərindən atmosferə buraxılan qazların səviyyəsi yoxlanılıb.
Yoxlama zamanı ekoloji normalara cavab verməyən 12 nəqliyyat vasitəsi aşkarlanıb. Həmin sürücülərlə profilaktik söhbətlər aparılıb, qaydalar izah olunub və barələrində inzibati protokol tərtib edilib.
