Gəncədə soyğunçuluq hadisəsi baş verib. Bu haqda 29 avqust tarixində Daxili İşlər Nazirliyinə istinadən məlumat veririk.
Şəhər ərazisində taksi sürücüsünün qadın sərnişinin 500 manat pulunu və mobil telefonunu açıq talama yolu ilə alması barədə polisə məlumat daxil olub. Üçüncü Polis Bölməsi əməkdaşları əməliyyat-axtarış tədbirləri keçiriblər.
Nəticədə soyğunçuluğu törətməkdə şübhəli bilinən şəhər sakini Yasin Əhmədov müəyyən olunub. O, polis tərəfindən saxlanılıb.
Faktla bağlı araşdırma aparılır.
