Gəncə təmsilçisinin baş məşqçisi klubdan getməsi xəbəri ilə bağlı açıqlama verib. Bu haqda 10 iyun tarixində Qafqazinfo-ya istinadən məlumat veririk.
“Kəpəz”in baş məşqçisi Tərlan Əhmədovun klubla yollarını ayırdığı haqda məlumatlar yayılıb. Əhmədov bildirir ki, həmin xəbərlər həqiqəti əks etdirmir.
“Bəzi media orqanlarında məlumat yayılıb ki, mən “Kəpəz” futbol klubundan ayrılmışam. Lakin mən hazırda işimin başındayam. Klubun Prezidenti İlqar Nadiri ilə görüşümüz olub. Onunla gələcək planlarımızla bağlı söhbət etmişik. Həmçinin yeni gələcək və komandanı tərk edəcək futbolçularla bağlı müzakirələrimiz də baş tutub. Heç bir problemimiz yoxdur, yazılanların hamısı şayiədir. Bu gün də Gəncə şəhərində olmuşam. Gənclər və İdman Nazirliyi ilə də görüşümüz baş tutub. Hazırda Bakıya gedirəm, yenidən Gəncəyə qayıdacam. Yeni mövsümə hazırlıq planlarımız var. Hazırda kluba transfer olunacaq futbolçularla danışıqlar gedir”, - deyə Tərlan Əhmədov qeyd edib.
