“Kəpəz” - “Sabah” oyunu təmsilçimizin baş məşqçisi üçün əlamətdar olub. Bu haqda 7 mart tarixində futbol klubuna istinadən məlumat veririk.
Tərlan Əhmədov Misli Premyer Liqasının XXV turunun oyununda ölkə çempionatlarında baş məşqçi kimi 200-cü matçını keçirib. O, Premyer Liqada 2013/14 mövsümündə AZAL-ın sükanı arxasında debüt edib. Sonradan “Neftçi” və “Keşlə”ni də çalışdırıb.
Əhmədov bu mövsümün gedişində “Kəpəz”in baş məşqçisi təyin olunub. Premyer Liqada 10-cu mövsümünü keçirən mütəxəssisin komandaları ümumilikdə 61 qələbə qazanıb, 51 heç-heçə edib və 88 dəfə uduzub. O, Premyer Liqanın tarixinə ən azı 200 matç keçirən 10-cu baş məşqçi kimi düşüb.
