Gəncədə həyat yoldaşını qətlə yetirən şəxs tutulub. Bu haqda Gencexeber.az-a 14 mart tarixində məlumat daxil olub.
Ötən gün 38 yaşlı kişinin arvadını bıçaqlaması barədə məlumat vermişdik. Şəmkir rayon sakini Elşən Quliyevin 43 yaşlı Tovuz rayonunun Alakol kənd sakini olan həyat yoldaşı Yeganə Hümbətova ilə aralarında mübahisə düşüb.
Bu vaxt o, əsəblərinə hakim ola bilməyib və qadının ürək nahiyəsinə bıçaqla zərbə endirib. Hümbətova yerindəcə dünyasını dəyişib.
Qətli törətməkdə şübhəli bilinən Elşən Quliyev Hacıqabul rayonu ərazisində saxlanılaraq istintaqa təhvil verilib.
Qeyd edək ki, bu, Yeganə Hümbətovanın ikinci evliliyi idi. Onun birinci əri bir neçə il öncə vəfat edib. Qadın ötən il Elşən Quliyevlə ailə qurub. Hümbətovanın birinci evliliyindən bir qızı və oğlu olub.
