Gəncə sakini narkotik üstündə saxlanılıb. Bu haqda 30 may tarixində Ədliyyə Nazirliyinin Penitensiar xidmətinə istinadən məlumat veririk.
Penitensiar xidmətin həyata keçirdiyi əməliyyat-axtarış tədbirləri nəticəsində Bakı istintaq təcridxanasına narkotik və psixotrop maddələrin keçirilməsi cəhdinin qarşısı alınıb. Bildirilir ki, Rasim Arif oğlu Əsgərova sovqat gətirmiş qohumu, Gəncə şəhər sakini Jalə Məhərrəm qızı Kazımovanın əşyalarına və üzərinə baxış keçirilib. Nəticədə sellofan paketin alt hissəsində xüsusi üsulla gizlədilmiş, ümumi çəkisi 4,633 qram olan metamfetamin, 3,419 qram heroin, 0,44 qram marixuana, əynindəki şalvarın bel hissəsində xüsusi üsulla gizlədilmiş 2 ədəd tibbi şprisin içərisində ümumi çəkisi 0,5 ml olan heroin məhlulu aşkar edilib.
Faktla bağlı araşdırma aparılır.
