Azərbaycan Dövlət Aqrar Universitetinə Türkiyədən qonaqlar gəlib. Bu haqda 16 avqust tarixində universitetə istinadən xəbər veririk.
İstanbul Aydın Universitetinin Magistratura İnstitutunun direktoru, professor Ragıp Kutay Karaca və universitetin Bakı Ofisinin rəhbəri Ceyhun Səfərov görüşüblər. Tədbir Azərbaycan Dövlət Aqrar Universitetində baş tutub.
Ali təhsil müəssisəsinin rektor vəzifəsini icra edən Zəfər Qurbanov Aqrar Universitetinin maddi-texniki bazası, beynəlxalq əlaqələri və ikili diplom proqramları haqqında qonaqlara məlumat verib. O, həmçinin burada Türkiyədən 300-dən çox əcnəbi tələbənin təhsil aldığını deyib.
Görüşdə Qida mühəndisliyi və Əczaçılıq ixtisasları üzrə birgə mütəxəssislərin hazırlanması məsələsi də müzakirə olunub.
