Gəncədə Silahlı Qüvvələr Gününə həsr olunmuş tədbir baş tutub. Bu haqda Gencexeber.az-a 26 iyun tarixində məlumat daxil olub.
Tədbir Quru Qoşunların komandanlığı, İcra Hakimiyyətinin və Gəncə Qarnizonu İdeoloji və Mədəniyyət Mərkəzinin birgə təşkilatçılığı ilə keçirilib. Burada İcra Hakimiyyətinin nümayəndələri, Quru Qoşunların komandanı general-leytenant Ənvər Əfəndiyev, hərbçilər, rəsmi şəxslər, qazilər, ictimaiyyət nümayəndələri və sakinlər iştirak ediblər.
Ənvər Əfəndiyev Silahlı Qüvvələr Günü münasibətilə hərbi qulluqçuları təbrik edib. Daha sonra Heydər Əliyev parkındakı “Zəfər Tağı”nın önündə Silahlı Qüvvələrin arsenalına daxil olan hərbi texnikalar, zirehli maşınlar və müxtəlif silahlardan ibarət sərgi təşkil edilib. Həmçinin "Əsgərə məktub" layihəsi həyata keçirilib.
Tədbirin sonunda konsert proqramı və atəşfəşanlıq olub.
