Gəncə sakini silahla tutulub. Bu haqda 30 avqust tarixində Daxili İşlər Nazirliyinə istinadən məlumat veririk.
Göygöl Rayon Polis Şöbəsinin əməkdaşları əməliyyat keçiriblər. Nəticədə əvvəllər məhkum olunmuş Gəncə şəhər sakini Bayram İsgəndərov rayon ərazisində saxlanılıb. O, qanunsuz olaraq satış məqsədilə odlu silah əldə edib saxlamaqda şübhəli bilinir.
İsgəndərov polis şöbəsinə gətirilib. Üzərinə baxış keçirilən zaman əlindəki çantadan 1 ədəd atəşə yararlı avtomat, həmin silaha aid daraq və 5 ədəd 7.62 mm-lik patron aşkar edilərək götürülüb.
Maddi sübut ekspertizaya göndərilib. Faktla bağlı araşdırmalar davam etdirilir.
