Gəncədə intihara cəhd hadisəsi baş verib. Bu haqda 9 mart tarixində Qafqazinfo-ya istinadən məlumat veririk.
Hadisə ötən gün axşam saatlarında qeydə alınıb. 22 yaşlı Şəmkir sakini E.Q. Gəncədə inşa edilən binalardan birinin 3-cü mərtəbəsinə çıxaraq özünü aşağı atmaq istəyib. Ərazidə xidmətdə olan polis əməkdaşları cəhdin qarşısını alıblar.
E.Q.-dan intihara cəhdinin səbəbi soruşulub. Cavabında o bildirib ki, 8 Mart bayramı münasibətilə sevdiyi qıza gül buketi alıb. Lakin qız buketi qəbul etmədiyi üçün bundan təsirlənərək özünü öldürmək istəyib.
Polis əməkdaşları gənc oğlanla profilaktik söhbətlər aparıblar.
