Azərbaycan Şahmat Federasiyası və Gənclər və İdman nazirliyinin birgə təşkilatçılığı ilə Şəmkirdə Şahmat üzrə yarış keçirilir.
Gencexeber.az bildirir ki, 8,10,12, 14 və 16 yaşadək oğlanlar və qızlar arasında ölkə çempionatının seçmə yarışlarının rəsmi açılış mərasimi keçirilib.
Fevral ayının 3-nə kimi davam edəcək yarışlarda 27 şəhər və rayondan olan 250 şahmatçı iştirak edəcək.
Əsas məqsəd mart ayında keçiriləcək Azərbaycan çempionatının final mərhələsinə düşəcək şahmatçıları müəyyənləşdirməkdir.
Oyunlar FİDE qaydalarına uyğun olaraq İsveçrə sistemi ilə 9 oyundan ibarət keçiriləcək. Final oyunları bitdikdən sonra qaliblər müəyyən olacaq.
