Şəmkirdə yanğın hadisələri qeydə alınıb.
Gencexeber.az-a Fövqəladə Hallar Nazirliyinin Mətbuat xidmətindən verilən məlumata görə, rayonun Dəllər qəsəbəsində ümumi sahəsi 80 m² olan taxta konstruksiyalardan ibarət köməkçi tikili, qarşısında yığılan 3 m³ taxta materialları və 4 ədəd arı qutusu yanıb.
Digər hadisə Kür qəsəbəsində baş verib. Belə ki, ümumi sahəsi 130 m² olan talvarın yanar konstruksiyaları 20 m² sahədə yanıb.
Hər iki hadisə yerinə FHN-nin canlı qüvvəsi və texnikası cəlb edilib. Əməkdaşlar alovun qarşısını alaraq tikililərin qalan hissəsini xilas ediblər.
