Şəmkirdə baş verən qəzada ölənlərin kimliyi məlum olub.
Gencexeber.az-a Daxili İşlər Nazirliyinin (DİN) mətbuat xidmətinin Gəncə regional qrupunun baş inspektoru Eşqin Qasımov bildirib ki, yanvarın 24-ü saat 23 radələrində Bakı-Qazax-Gürcüstan ilə dövlət sərhədi yolunun Şəmkir rayon ərazisindən keçən hissəsində polisə qəza baş verməsi ilə bağlı polisə məlumat daxil olub.
Polis əməkdaşları hadisə yerinə gələrək müvafiq araşdırma aparmaqla bərabər hərəkətin təhlükəsizliyi nəzarətdə saxlanılmaqla bərpa edilib. Araşdırmalar zamanı məlum olub ki, Şəmkir rayon sakini, 26 yaşlı Xətai Əliyevin Qazax rayonu istiqamətində hərəkətdə olarkən əks hərəkət istiqamətinə daxil olması və qarşıdan gələn, Şəmkir rayon sakini 41 yaşlı Zaur Cabbarovun idarə etdiyi “Niva” markalı avtomobil ilə toqquşması nəticəsində "VAZ-2106"nın sürücüsü və həmin avtomobildə olan sərnişinlər Şəmkir rayon sakini 28 yaşlı Röyal Allahverdiyev, həmçinin "Niva" markalı avtomobilin sürücüsü və həmin avtomobilin sərnişini Şəmkir rayon sakini 53 yaşlı Elşən Xudaverdiyev və hələlik kimliyi istintaqa məlum olmayan daha bir nəfər ölüb.
"VAZ-2106"da olan digər sərnişin 1996-cı il təvəllüdlü Elçin Orucov isə xəstəxanaya yerləşdirlib.
Faktla bağlı araşdırmalar davam etdirilir.
09:26
Şəmkirdə ölümlə nəticələnən ağır yol qəzası baş verib.
Apa.аz xəbər verir ki, hadisə Bakı-Qazax magistral yolunun rayonun ərazsindən keçən hissəsində qeydə alınıb.
Hərəkətdə olan "Niva" ilə "VAZ 2106" markalı minik maşınları toqquşub.
Qəza zamanı 5 nəfər ölüb.
