Gəncənin Cavadxan qəsəbəsində, Cücə zavodunun yaxınlığında zibil qablarının dolub-daşması ilə bağlı şikayət dərc etmişdik.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyindən bildirilib ki, adıçəkilən ünvan qurumun xidmət sahəsinə daxil olmamasına baxmayaraq anitisanitar vəziyyətin aradan qaldırılması üçün bir neçə dəfə ərazinin kompleks şəkildə təmizlənməsini həyata keçirilib.
Lakin buna baxmayaraq Cavadxan qəsəbəsindəki adıçəkilən əraziyə mütəmadi olaraq müxtəlif növ tullantıların atılması xoşagəlməz mənzərənin təkrarlanmasına səbəb olub.
MKTİB tərəfindən bildirilib ki, adıçəkilən ünvanın sakinlərinin böyük əksəriyyəti, məişət tullnatılarının daşınması xidməti üçün bir neçə ildir ki, abonent olaraq qurumda qeydiyyata düşməkdən və vəsait ödəməkdən boyun qaçırırlar.
Bu da ərazidə zibil konteynerlərinin MKTİB tərəfindən yerləşdirilməsi və xidmətin aparılması məsələsini müşkülə çevirir.
Ərazidə ekoloji vəziyyətin yaxşılaşdırılması və buranı zibil paliqonuna çevirən şəxslərin aşkar olunaraq məsuliyyətə cəlb olunması üçün MKTİB bu sahədə səlahiyyətli qurumlara dəfələrlə şifahi və rəsmi müraciət edib.
