Gəncə və Samux rayonunda təhlükə yarada biləcək ağac və dirəklə bağlı sakinlər tərəfindən narahatlıq ifadə olunub.
Gencexeber.az-a daxil olan şikayətlərə görə, Gəncə şəhərinin DOS-6 yaşayış massivində 5 saylı binanın qarşısında ağac əyilib. Sakinlərin sözlərinə görə, ağacın aşması həm piyadalar, həm də yaxınlıqdan keçən avtomobillər üçün təhlükə yarada bilər.
Samux şəhərinin Heydər Əliyev prospekti, 18 ünvanında isə elektrik naqillərinin keçdiyi dirək əyilib. Bu vəziyyət də ərazidən mütəmadi istifadə edənlər üçün təhlükəyə çevrilə bilər.
Vətəndaşlar aidiyyəti qurumların əraziyə baxış keçirməsini və təhlükə yaradan vəziyyətlərin aradan qaldırılmasını xahiş edirlər.
