Azərbaycan Respublikasının Gənclər və İdman Nazirliyi, Müdafiə Nazirliyi, Elm və Təhsil Nazirliyi, Fövqəladə Hallar Nazirliyi və Səfərbərlik və Hərbi Xidmətə Çağırış üzrə Dövlət Xidmətinin birgə təsdiqlədiyi Əsasnaməyə uyğun olaraq 23 aprel 2025-ci il tarixində Fövqəladə Hallar nazirliyinin Mülki Müdafiyə qoşunlarının Gəncə şəhərində yerləşən N saylı hərbi hissəsində "Şahin" hərbi-idman oyunu üzrə VIII zona Gəncə - Daşkəsən iqtisadi rayonu üzrə Gəncə və Naftalan şəhərləri, Daşkəsən, Goranboy, Göygöl və Samux rayonlarının şəhər (rayon) qalib komandaları arasında təşkil olunub.
Gencexeber.az məlumat verir ki, tədbirdə çıxış edənlər "Şahin" hərbi-idman oyunlarının gənclərin vətənpərvərlik tərbiyəsində müstəsna əhəmiyyəti olduğunu, ordu sıralarında xidmətə hazırlıqda bu yarışın böyük əhəmiyyəti olduğunu qeyd ediblər.
“Şahin” hərbi-idman oyununun zona mərhələsində Samux rayonu üzrə təhsil sektorunun tabeliyində olan ümumi təhsil müəssisələrinin şagirdlərindən ibarət “Samux” komandası qalib gələrək respublika finalına iştirak hüququ qazanmışdır.
