Gəncədə itlərin öldürülməsi ilə bağlı iddia edilir. Bu haqda Gencexeber.az-a 30 aprel tarixində məlumat daxil olub.
Redaksiyamızın izləyicisi şəhərin mərkəzində sahibsiz itlərin zəhərləndirildiyini bildirib. Hadisə şəhərin baş (Heydər Əliyev adına) meydanının yaxınlığında yerləşən Şah Abbas məscidinin ətrafında qeydə alınıb. Burada bir müddət sahibsiz it və balaları yaşayıb.
Lakin izləyicimizin sözlərinə görə, bir neçə gün öncə iki qadın həmin canlıların yediyi qidaya zəhər qatıb. Nəticədə 6 itdən 4-ü həlak olub. İtlərin anasının isə hazırda vəziyyətinin yaxşı olmadığı bildirilir.
Sözügedən hadisə vətəndaşın narahatlığına səbəb olub. O əlavə edib ki, ətrafdakı şəxslər həmin qadınlara mane olmayıblar. İzləyicimiz məsələnin araşdırılaraq müvafiq tədbir görülməsini istəyir.
