Müğənni Şəbnəm Tovuzlu korifey sənətkarların şəkilləri ilə keçirilən “imtahan”dan kəsilib.
Gencexeber.az məlumat verir ki, ARB televiziyasında yayımlanan “Həmin Zaur” verilişinin qonağı olan Müğənni Şəbnəm Tovuzluya korifey sənətkarların şəkilləri təqdim olunub. Onun ekranda göstərilən Azərbaycanın musiqi tarixinə adları qızıl hərflərlə yazılan şəxsiyyətləri tanıyıb-tanımaması yoxlanılıb.
Slaydların birində Gəncədən olan görkəmli Azərbaycan bəstəkarı, SSRİ Xalq artisti, Sosialist Əməyi Qəhrəmanı Fikrət Əmirovun şəkli nümayiş etdirilib. Şəbnəm Tovuzlu yalnız Azərbaycanda deyil, müxtəlif ölkələrin opera səhnələrində səsləndirilən “Nizami” simfoniyasının müəllifini tanımayıb.
Ona “yardım” etməyə çalışan müğənni Kərim Abbasov isə dahi Azərbaycan bəstəkarını, ölkəmizin digər korifey bəstəkarlarından olan Qara Qarayevlə çaş-baş salıb.
