Rusiya telekanallarından birində Gəncə haqda veriliş nümayiş olunub. Bu haqda 25 yanvar tarixində Gəncə Destinasiya Menecmenti Təşkilatı məlumat paylaşıb.
Rossiya-1 telekanalında yayımlanan "По секрету всему свету" teleproqramının yaradıcı heyəti Gəncəyə səfər edib. Onlar şəhərin bir çox tarixi-mədəni abidələrini ziyarət edib, milli mətbəximiz və adət ənənələrimiz ilə yaxından tanış olublar.
Aparıcı Vlad Sokolovski Gəncənin məşhur "Butulka Evi"ni ziyarət edib. Ev sahibi Rövşən Cəfərov tikilinin tarixi haqda məlumat verib. Daha sonra aparıcı aşpaz Nəzifə Verdiyeva ilə Şah plovu hazırlayıb. Vlad Sokolovski, həmçinin İmamzadə ziyarətgahında da olub.
Bundan başqa Cavad xan küçəsi və Qafqazın ən böyük parklarından biri olan Heydər Əliyev adına park kompleksi haqda ətraflı videoreportaj hazırlanıb.
