Gəncə-Daşkəsən Regional Təhsil İdarəsi mühasib axtarışındadır. Bu haqda 1 may tarixində Regional Təhsil İdarəsinə istinadən xəbər veririk.
Adıçəkilən qurumun mərkəzləşdirilmiş mühasibatlığında vakant olan mühasib vəzifələrinə işə qəbul üzrə müsabiqə elan edilib. Müsabiqə sənəd qəbulu və yoxlanılması, test imtahanı və müsahibədən ibarətdir. Əməkhaqqı 400-500 manat aralığındadır.
Vəzifənin tutulma tələbləri aşağıdakılardır:
- Əmək stajına tələb qoyulmadan müvafiq sahə üzrə orta və ali ixtisas təhsilli;
- Tam orta təhsilli və müvafiq proqram əsasında xüsusi hazırlıq sertifikatı olan, eyni zamanda müvafiq iş üzrə 3 ildən az olmayaraq, əmək stajı
- Mühasibatlıq sahəsində 3 ildən çox stajı olan şəxslər birbaşa müsahibə mərhələsində iştirak edə bilərlər.
Qatılmaq istəyən şəxslər 1 may tarixindən 5 may tarixinədək aşağıdakı
link vasitəsilə qeydiyyatdan keçməlidirlər. Müsahibə mərhələsində müvafiq sahə üzrə ali təhsilli və peşəkar mühasib sertifikatına malik şəxslərə üstünlük veriləcəkdir.
