Gəncədə bıçaqlanma hadisəsinin təfərrüatları açıqlanıb. Bu haqda 3 may tarixində Regional Təhsil İdarəsinə istinadən məlumat veririk.
Daha öncə 17 nömrəli məktəbin şagirdinin xəsarət alması barədə xəbər paylaşmışdıq. Gəncə-Daşkəsən Regional Təhsil İdarəsindən bildirilib ki, təhsil ocağının şagirdləri arasındakı hadisə dərsdən sonra və məktəb binasından kənarda baş verib.
Məlumata əsasən, məktəb rəhbərliyi və kollektivi insident nəticəsində xəsarət alan R.İbrahimova baş çəkib, vəziyyəti ilə maraqlanıb. Şagirdin vəziyyəti yaxşı olaraq qiymətləndirilir.
