Gəncədə qeyri-sabit hava şəraiti ilə bağlı məlumat yayılıb. Bu haqda 16 may tarixində AZTv-yə istinadən xəbər veririk.
Qərb Regional Hidrometeorologiya Mərkəzinin direktoru Əli Ağayevin sözlərinə görə, müşahidə olunan yağıntılı hava şəraiti mayın 18-dək davam edəcək. Bəzi yerlərdə şimşək çaxacaq, yağışların ayrı-ayrı yerlərdə intensiv olacağı, leysan tökəcəyi, dolu düşəcəyi, yüksək dağlıq ərazilərdə qar yağacağı ehtimal olunur. Gözlənilən yağıntılarla əlaqədar çaylarda sululuğun artacağı, bəzi çaylarda qısa müddətli daşqın və sel keçəcəyi gözlənilir.
Xatırladaq ki, ötən ilin may ayında yağan intensiv yağışlardan Heydər Əliyev Park Kompleksində yerləşən süni gölün daşması nəticəsində ətraf əraziləri və fərdi yaşayış evlərini su basmışdı.
