Gəncədə Türkiyədəki seçkilərlə bağlı tədbir keçirilib. Bu haqda 30 may tarixində İcra Hakimiyyətinə istinadən məlumat veririk.
Məlumat verdiyimiz kimi, Türkiyə Respublikasında keçirilən ikinci tur seçkilərində Rəcəb Tayyib Ərdoğan qalib gəlib. Bu münasibətlə Gəncə şəhər Nizami Bələdiyyəsi tərəfindən qurbanlar kəsilib. Tədbir Qafqaz İslam Ordusunun ilk şəhidlərinin xatirəsinə ucaldılan abidənin önündə baş tutub. Burada icra başçısı Niyazi Bayramov, millət vəkili Müşfiq Cəfərov, Nizami Bələdiyyəsinin sədri Qoşqar Məmmədov, İcra Hakimiyyəti başçısı Aparatının məsul əməkdaşları, idarə, müəssisə, təşkilat rəhbərləri və şəhər sakinləri iştirak ediblər.
Tədbirdə Türkiyə-Azərbaycan arasında olan dostluq və qardaşlıq münasibətlərindən, qarşılıqlı faydalı əməkdaşlıqdan bəhs olunub.
