Gəncədə raket atəşi nəticəsində dağıdılmış evlərlə bağlı tender keçirilib. Bu haqda 25 iyul tarixində Fed.az-a istinadən məlumat veririk.
Tender Ərazi Tikinti Planlaşdırma Mərkəzi tərəfindən təşkil olunub. Qurum “Ermənistan Respublikası silahlı qüvvələrinin Azərbaycan Respublikası ərazisinə təcavüzü nəticəsində Gəncə şəhərində dağıdılmış, qəzalı vəziyyətə düşmüş, təmir və bərpaya ehtiyacı olan fərdi yaşayış evləri və qeyri-yaşayış obyektlərinin tikintisi, təmiri və bərpası işləri”nin satın alınması müsabiqəsində qalib gələn şirkətin adını açıqlayıb.
Məlumata əsasən, tenderdə "İnşaat Servis-2" MMC qələbə qazanıb. Tərəflər arasında 1,5 milyon manat məbləğində müqavilə imzalanıb.
